Նովշահրիում Իմամ Խոմեյնիի ռազմածովային համալսարանի հրամանատար, փոխծովակալ Արյա Շաֆքաթ Ռուդսարին հայտարարել է, որ Իրանի ռազմածովային ուժերը Ադենի ծոցում տեղակայել են իրենց 100-րդ նավատորմը՝ տարածաշրջանում ծովային առևտրի անվտանգությունն ուժեղացնելու նպատակով, հայտնել է ԻՐՆԱ գործակալությունը:
Լրագրողների հետ զրույցում Անտարկտիկայի հետազոտությունների նոր ծովային տեխնոլոգիաների 3-րդ ազգային կոնֆերանսի ժամանակ փոխծովակալ Շաֆքաթ Ռուդսարին նշել է, որ այս քայլը պատասխան է տարածաշրջանում ծովահենների ներկայությանը և նպատակ ունի ապահովելու ծովային ուղիների անվտանգությունը՝ ինչպես արտահանման, այնպես էլ ներմուծման առումով, ընդ որում՝ ոչ միայն Իրանի Իսլամական Հանրապետության, այլև ամբողջ աշխարհի համար։
Ըստ նրա՝ որպես բաց ծով ելք ունեցող ափամերձ երկիր, թեև իշխանությունները միջոցներ են ձեռնարկել այս ոլորտում առկա հնարավորություններն օգտագործելու համար, սակայն գործադրվող ջանքերը բավարար չեն, և պայմանները բարելավելու ուղղությամբ անհրաժեշտ է ավելի շատ քայլեր ձեռնարկել։
Նա միաժամանակ հայտարարել է, որ Իրանի ներկայությունն Անտարկտիդայում անխուսափելի է՝ ընդգծելով դրա կարևորությունը և բոլոր գիտական, ակադեմիական և հետազոտական կենտրոններին համագործակցելու կոչ է արել՝ խրախուսելու համար գիտնականներին և հետազոտողներին մասնակցել այս ոլորտում։
