Հայաստանի տարբեր մարզերից շարունակում են ստացվել ընտրատեղամասերի քվեարկության արդյունքները, որոնք վկայում են բարձր մրցակցության և ընդդիմադիր ուժերի զգալի հաջողությունների մասին։ Մի շարք տեղամասերում վստահ առաջատար են «Հայաստան» դաշինքը և «Ուժեղ Հայաստան» դաշինքը, մինչդեռ «Քաղաքացիական պայմանագիր» կուսակցությունը կարողացել է պահպանել առաջատար դիրքերը միայն առանձին տեղամասերում։
Վայոց ձորի մարզի Շատին գյուղի 36/27 ընտրատեղամասում հաղթել է «Հայաստան» դաշինքը՝ ստանալով 307 ձայն՝ «Քաղաքացիական պայմանագրի» 236 ձայնի դիմաց։
Գեղարքունիքի մարզի Գեղամավան գյուղի 20/16 ընտրատեղամասում վստահ հաղթանակ է տարել «Ուժեղ Հայաստանը»՝ հավաքելով 441 ձայն, մինչդեռ «Քաղաքացիական պայմանագիրը» ստացել է 289 ձայն։
Ախբերգ գյուղի 20/39 ընտրատեղամասում առաջին տեղում է «Հայաստան» դաշինքը՝ 77 ձայնով։ Նման պատկեր է արձանագրվել նաև Կահագն գյուղի 20/51 ընտրատեղամասում, որտեղ հաղթել է «Ուժեղ Հայաստանը»։
Շիրակի մարզի Զարբիշատ գյուղի 30/35 ընտրատեղամասում առաջին տեղը զբաղեցրել է «Հայաստան» դաշինքը, իսկ Այրենյաց գյուղի 33/29 ընտրատեղամասում փոքր առավելությամբ առաջատար է «Քաղաքացիական պայմանագիրը»։
Լոռու մարզի 25/43 ընտրատեղամասում վստահ հաղթանակ է տարել «Հայաստան» դաշինքը՝ ստանալով 171 ձայն՝ իշխանական կուսակցության 74 ձայնի դիմաց։
Արարատի մարզի Նոր Կյուրին գյուղի 11/44 ընտրատեղամասում արձանագրվել է չափազանց լարված պայքար․ «Հայաստան» դաշինքը ստացել է 128, իսկ «Քաղաքացիական պայմանագիրը»՝ 127 ձայն։ Նիզամի գյուղի 11/39 ընտրատեղամասում «Հայաստան» դաշինքը տարել է համոզիչ հաղթանակ՝ ստանալով 387 ձայն՝ «Քաղաքացիական պայմանագրի» 195 ձայնի դիմաց։
Արմավիրի մարզի Այգեշատ գյուղի (Էջմիածին) 14/44 ընտրատեղամասում ևս «Հայաստան» դաշինքը գերազանցել է «Քաղաքացիական պայմանագրին»՝ ստանալով 332 ձայն՝ 323-ի դիմաց։
Այսպիսով, հրապարակված տվյալները ցույց են տալիս, որ երկրի բազմաթիվ համայնքներում ընդդիմադիր ուժերը շարունակում են պահպանել ուժեղ դիրքերը և հաջողությամբ մրցակցել իշխանական կուսակցության հետ։
