Ավստրալիան ձեռնամուխ է եղել Երկրորդ համաշխարհային պատերազմի ավարտից ի վեր իր ամենամեծ ռազմական հզորացմանը՝ վկայակոչելով անվտանգության իրավիճակի վատթարացումը և Հնդկա-խաղաղօվկիանոսյան տարածաշրջանում սպառնալիքների աճը, Սինգապուրում «Շանգրի-Լա Դիալոգ» անվտանգության ֆորումում հայտարարել է Ավստրալիայի պաշտպանության նախարար Ռիչարդ Մարլսը։
«Ավստրալիայի պաշտպանական ուժերը ներկայումս գտնվում են կոշտ ուժի վերափոխման փուլում։ Մեր պաշտպանական բյուջեի ավելի քան 40%-ը հատկացվում է ծովային կարողությունների զարգացմանը», - ասել է Մարլսը։
Նա ասել է, որ Կանբերրան իրականացնում է վերազինման ծրագիր, որը ներառում է AUKUS գործընկերության շրջանակներում միջուկային սուզանավեր, նոր ականակիրներ, ֆրեգատներ և անօդաչու ռազմածովային հարթակներ։
