Այն բանից հետո, երբ ԱՄՆ-ը հայտնեց, որ պաղեստինյան ՀԱՄԱՍ շարժումը մերժել է Գազայում կարճաժամկետ հրադադարի մասին Եգիպտոսի առաջարկը, բանակցությունները դեռ շարունակվում են, քանի որ միջնորդները շարունակում են համաձայնության հասնելու փորձերը: Այդ մասին The Times of Israel-ին հայտնել է խնդրին ծանոթ դիվանագիտական աղբյուրը:
Այն նշել է․ «Բոլոր տարբերակները սեղանին են, որպեսզի փորձեն համաձայնության գալ, և կողմերը հետևում են ԱՄՆ ընտրությունների արդյունքներին՝ որոշելու, թե ինչպես արձագանքել»:
Եգիպտական առաջարկը նախատեսում էր 12-օրյա զինադադար, որի ընթացքում ՀԱՄԱՍ-ի պաշտոնյաները կազատեին չորս իսրայելցի պատանդների, որից հետո կողմերը կբանակցեին մշտական հրադադարի շուրջ: Սակայն շարժումը պարզ է դարձրել, որ կհամաձայնի կարճաժամկետ գործարքի միայն այն դեպքում, եթե այն ներառի երաշխիքներ ապագայի համար, ինչը Եգիպտոսի առաջարկը չի ներառում:
Ավելի վաղ սաուդյան Al Arabiya լրատվական ալիքը հայտնել էր, որ ՀԱՄԱՍ-ի ղեկավարությունը պատրաստ է ընդունել Եգիպտոսի առաջարկը, եթե Իսրայելը պարտավորվի այն դիտարկել հնարավոր համապարփակ գործարքի մաս։
