ԱՄՆ նախագահ Դոնալդ Թրամփը կարծում է, որ Մեծ Բրիտանիան պետք է ընդլայնի Հյուսիսային ծովում նավթի արտադրությունը, այլ ոչ թե այն գնի Նորվեգիայից։
«Եվրոպան հուսահատորեն կարիք ունի էներգիայի, և այնուամենայնիվ, Մեծ Բրիտանիան հրաժարվում է հորատել Հյուսիսային ծովում, որտեղ գտնվում են աշխարհի ամենամեծ նավթահանքերից մի քանիսը։ Աբերդինը (քաղաք Շոտլանդիայում՝ Հյուսիսային ծովի ափին) պետք է ծաղկում ապրի։ Եվ Նորվեգիան Հյուսիսային ծովի նավթը վաճառում է Մեծ Բրիտանիային կրկնակի գնով և կարողություն է վաստակում», – գրել է ամերիկացի առաջնորդը Truth Social-ում։
«Մեծ Բրիտանիան, որն ավելի շահավետ էներգետիկ դիրք ունի Հյուսիսային ծովում, քան Նորվեգիան, պետք է հորատում կատարի։ Խելագարություն է, որ նրանք դա չեն անում։ Եվ այլևս ոչ մի քամու էլեկտրակայան», – կարծում է ԱՄՆ նախագահը։
