Իրանի Իսլամական հեղափոխության պահապանների կորպուսը հայտարարել է Միացյալ Նահանգների և Իսրայելի թիրախների վրա նոր հարվածների ալիք իրականացնելու մասին։ Այս մասին հայտարարություն է տարածել ԻՀՊԿ-ն։
««Իրական խոստում 4» գործողության 25-րդ փուլն իրականացվել է հրթիռների և անօդաչու թռչող սարքերի համակցված գործողության ընթացքում՝ ամերիկա-սիոնիստական թշնամու ռազմական կենտրոնների և ռազմական աջակցության կենտրոնների դեմ», - ասվում է ԻՀՊԿ-ի հայտարարության մեջ։
Իրանական զինվորականները նշել են, որ արձակել են «Էմադ» բալիստիկ հրթիռներ և «Ֆաթթահ» հիպերձայնային հրթիռ։
