Մոլդովայի նախագահի թեկնածու և պետության ներկայիս ղեկավար Մայա Սանդուն հայտարարել է, որ նախագահական ընտրությունների երկրորդ փուլում ընտրողներին կաշառելու վտանգ կա։ Նրա խոսքերը մեջբերում է ՏԱՍՍ-ը։«Գողերն ուզում են գնել մեր ձայները, ուզում են գնել մեր երկիրը, բայց չեն կարող հաղթել, եթե մենք միասնական լինենք»,- ասել է նա։
Նրա խոսքով՝ այս պահին «կարևոր է պահպանել միասնությունը և պաշտպանել մեր ձայները, պաշտպանել անկախությունը»։Նոյեմբերի 3-ին Մոլդովայում մեկնարկել է նախագահական ընտրությունների երկրորդ փուլը։
Հոկտեմբերի 20-ին կայացած քվեարկության առաջին փուլում պետության գործող ղեկավար Մայա Սանդուն ստացել էր ձայների 42,49%-ը, իսկ հանրապետության նախկին գլխավոր դատախազ Ալեքսանդր Ստոյանոգլոն՝ 25,95%-ը։
