Լիբանանյան ուղղությամբ շուտափույթ զինադադարի հավանականությունը շատ ավելի մեծ է, քան Գազայի հատվածում զինադադարը, մասնավորապես, քանի որ Լիբանանն ինքնիշխան պետություն է և ՄԱԿ-ի անդամ։
ՏԱՍՍ-ի թղթակցի հետ զրույցում նման կարծիք է հայտնել եգիպտական քաղաքական եւ ռազմավարական հետազոտությունների Al-Ahram կենտրոնի քաղաքական դիտորդ Բաշիր Աբդել Ֆաթթահը։
ՏԱՍՍ-ի թղթակցի հետ զրույցում նման կարծիք է հայտնել եգիպտական քաղաքական եւ ռազմավարական հետազոտությունների Al-Ahram կենտրոնի քաղաքական դիտորդ Բաշիր Աբդել Ֆաթթահը։
Նրա խոսքով, «Լիբանանը այժմ ունի քաղաքական կարգավորման և հրադադարի շատ ավելի մեծ հնարավորություններ՝ առաջին հերթին իր ինքնիշխան պետության կարգավիճակի և ՄԱԿ-ին անդամակցելու շնորհիվ»: Այս առումով միջազգային հանրությունը լիբանանյան տարածքում ընթացող մարտերին նայում է «մի փոքր այլ կերպ, քան Գազայում» և «պնդում է անհապաղ զինադադարի մասին, որպեսզի Լիբանանում չկրկնվի նույն սցենարը, ինչ Պաղեստինի անկլավում», ընդգծել է Աբդել Ֆաթթահը։
Նրա կարծիքով, «ամերիկյան միջնորդները շատ ավելի մեծ ջանքեր են գործադրում իրավիճակը կարգավորելու համար Լիբանանում», քան Գազայում, ինչը նույնպես մեծացնում է արագ զինադադարի հնարավորությունը։
Բացի այդ, վերլուծաբանը վստահ է, որ Իսրայելը նույնպես պատրաստ է համաձայնել հրադադարին Լիբանանի հետ կապված իրավիճակում, քանի որ համապատասխանում է տարածաշրջանում հակամարտությունների կարգավորման իր ծրագրերին և միևնույն ժամանակ հակասում է Իրանի և նրա դաշնակիցների ռազմավարությանը։
