Արևմտյան հետախուզական ծառայությունները չեն արձանագրել որևէ նշան այն մասին, որ Թեհրանը աշխատանքներ է իրականացնում ուրանի հարստացման ուղղությամբ՝ մինչև զենքային մակարդակ, կամ քայլեր է ձեռնարկում միջուկային մարտագլխիկ ստեղծելու համար։ Այդ մասին հաղորդում է The New York Times թերթը՝ հղում անելով հետախուզական տվյալներին ծանոթ աղբյուրներին։
«Արևմտյան հետախուզական գործակալությունները չեն հայտնաբերել որևէ ցուցում այն մասին, որ իրականացվում է բարձր մակարդակի հարստացում՝ ռումբի արտադրության համար պիտանի նյութ ստանալու նպատակով, կամ այլ գործողություններ՝ իրական մարտագլխիկի ստեղծման ուղղությամբ։ Հարստացված ուրանը, որը պահվում է երեք օբյեկտներում և որոնք հունիսին ենթարկվել են հարվածների, մնում է իր տեղում և, ըստ երևույթին, չի վնասվել»,-նշվում է հրապարակման մեջ։
ԱՄՆ գնահատականների համաձայն՝ Իրանը չի կառուցել նոր միջուկային օբյեկտներ, թեև, ակտիվություն է արձանագրվել Նաթանզում և Իսֆահանում գտնվող երկու չավարտված հարթակներում, գրում է թերթը։
Իսրայելական և ամերիկյան հատուկ ծառայությունների պնդմամբ՝ 2025 թվականի ռազմական գործողությունը հետ է մղել իրանական նախագիծը վեց ամսից մինչև մեկ տարի ժամկետով։
