Բանգլադեշի նախկին վարչապետը և Ազգայնական կուսակցության (BNP) նախագահը մահացել է 80 տարեկան հասակում։ «ԲՆԿ նախագահ և նախկին վարչապետ Բեգում Խալեդա Զիան մահացել է այսօր առավոտյան ժամը 6-ին՝ առավոտյան աղոթքից անմիջապես հետո»,-ասվում է կուսակցության Ֆեյսբուքյան էջում:
Դեկտեմբերի 2-ին BNP-ի փոխնախագահ Ահմեդ Ազամ Խանը հայտարարեց, որ Խալեդա Զիան ինտենսիվ թերապիա է անցնում Դաքքայի հիվանդանոցի սրտային թերապիայի բաժանմունքում՝ լյարդի, երիկամների և սրտի երկարատև բարդությունների պատճառով։
Նշվել էր, որ նա գտնվում է «ծանր վիճակում»։ Խալեդա Զիան Բանգլադեշի վարչապետ է դարձել 1991 թվականին՝ դառնալով այս պաշտոնը զբաղեցրած առաջին կինը։ 1996 թվականին նա ստիպված է եղել հրաժարական տալ ընդդիմության բողոքի ցույցերի պատճառով, սակայն 2001 թվականին նա վերադարձել է վարչապետի պաշտոնին և մնացել այդ բարձրաստիճան կառավարական պաշտոնում մինչև 2006 թվականը։
