Իսրայելի վարչապետ Բենիամին Նեթանյահուն այսօր երեկոյան ԱՄՆ նախագահ Դոնալդ Թրամփի հետ հանդիպման ժամանակ կփորձի համոզել Վաշինգտոնին թույլատրել հարված հասցնել իրանական հրթիռային օբյեկտներին, հաղորդում է The Washington Post-ը (WP)՝ հղում անելով իր աղբյուրներին։
Նրա խոսքով՝ Նեթանյահուն շարունակում է Իրանը դիտարկել որպես Իսրայելի շահերի համար տարածաշրջանային սպառնալիք և մտադիր է Միացյալ Նահանգներից ստանալ կամ իսրայելական բանակի կողմից հարվածների թույլտվություն, կամ ամերիկյան զինված ուժերի ուղղակի միջամտություն։
Իսրայելի վարչապետը նաև կփորձի համոզել իր զրուցակցին ավելի կոշտ դիրքորոշում ընդունել Գազայի հատվածի հարցում և ապահովել արմատական պաղեստինյան «Համաս» շարժման ստորաբաժանումների բռնի զինաթափման երաշխիքներ՝ նախքան իսրայելական զորքերի դուրսբերումը անկլավի տարածքներից, որոնք նշանակվել են Թրամփի խաղաղության ծրագրի երկրորդ փուլում։
Ինչպես նշում է WP-ն, Նեթանյահուն քիչ հավանական է, որ հասնի իր նպատակներին, քանի որ ամերիկացի առաջնորդը ներկայումս ձգտում է խուսափել Մերձավոր Արևելքում լարվածության սրումից և շարունակել իր սեփական խաղաղապահ օրակարգի իրականացումը։
