ԱՄՆ նախագահ Դոնալդ Թրամփը հայտարարել է, որ Վաշինգտոնը սկսում է պայքարել Լատինական Ամերիկայից ցամաքային ճանապարհով թմրանյութերի մաքսանենգության դեմ։
«Մենք զբաղվել ենք ծովային ճանապարհով թմրանյութերի մաքսանենգության 96%-ով, և հիմա սկսում ենք ցամաքային ճանապարհով։ Ցամաքային ճանապարհով դա անելը շատ ավելի հեշտ է, և սա (ԱՄՆ ռազմական գործողությունները) կսկսվի», - ասել է նա ԱՄՆ հոկեյի ազգային հավաքականի 1980 թվականի օլիմպիական չեմպիոնների մեդալների հանձնման արարողության ժամանակ։
Թրամփը նշել է, որ ցամաքային հարվածները «պարտադիր չէ, որ ուղղված լինեն Վենեսուելային»։ Նա ասել է, որ թիրախը կլինեն «մարդիկ, ովքեր թմրանյութեր են մաքսանենգ ճանապարհով տեղափոխում Միացյալ Նահանգներ»։
