Ռուսաստանի նախագահ Վլադիմիր Պուտինի և Իրանի նախագահ Մասուդ Փեզեշքիանի միջև Թուրքմենստանի մայրաքաղաքում գրեթե մեկ ժամ տևած բանակցությունները ավարտվել են, հայտնում է «ՌԻԱ Նովոստի»-ի թղթակիցը։
Բանակցությունները տեղի են ունեցել Աշխաբադում, որտեղ Ռուսաստանի առաջնորդը ժամանել է մասնակցելու Խաղաղության և վստահության միջազգային տարվան, Չեզոքության միջազգային օրվան և Թուրքմենստանի մշտական չեզոքության 30-ամյակին նվիրված ֆորումին։
Պուտինի և Փեզեշքիանի հանդիպումը սկսվել է Մոսկվայի ժամանակով 12:10-ին և տևել է մոտ մեկ ժամ։
Բանակցությունների բաց հատվածում առաջնորդները քննարկել են երկու երկրների միջև համագործակցությունը և անդրադարձել Հյուսիս-Հարավ տրանսպորտային միջանցքի նախագծի իրականացմանը։
