Չորեքշաբթի օրը հեռախոսազրույցի ժամանակ ԱՄՆ նախագահ Դոնալդ Թրամփը կոչ է արել եվրոպացի առաջնորդներին ճնշում գործադրել Վոլոդիմիր Զելենսկու վրա՝ Ուկրաինայում հակամարտության կարգավորման Վաշինգտոնի առաջարկած ծրագիրը ընդունելու համար, հաղորդում է Wall Street Journal-ը ՝ հղում անելով աղբյուրներին։
«Հեռախոսազրույցի ժամանակ, որը որակվել է որպես լարված, Թրամփը Գերմանիայի, Ֆրանսիայի և Մեծ Բրիտանիայի առաջնորդներին ասել է, որ նրանք պետք է ճնշում գործադրեն Զելենսկու վրա՝ ԱՄՆ-ի առաջարկած խաղաղության ծրագրի պայմանները ընդունելու համար», - ասվում է հրատարակության մեջ։
Նշենք, որ Ուկրաինայի թեմայով հեռախոսազրույց է տեղի ունեցել Թրամփի, Մեծ Բրիտանիայի վարչապետ Քիր Սթարմերի, Ֆրանսիայի նախագահ Էմանուել Մակրոնի և Գերմանիայի կանցլեր Ֆրիդրիխ Մերցի մասնակցությամբ։
