Time ամսագիրը «արհեստական ինտելեկտի ճարտարապետներին», այդ թվում՝ xAI-ի գործադիր տնօրեն Իլոն Մասկին, Meta-ի հիմնադիր Մարկ Ցուկերբերգին և OpenAI-ի գործադիր տնօրեն Սեմ Ալթմանին, անվանել է «Տարվա մարդ»։ Հայտարարությունը հրապարակվել է ամսագրի X սոցիալական ցանցի էջում։
Շապիկին, որը ոգեշնչված է հայտնի «Ընթրիք երկնաքերի վրա» լուսանկարով, պատկերված են Ցուկերբերգը, Մասկը և Ալթմանը՝ Nvidia-ի գործադիր տնօրեն Ջենսեն Հուանգի, AMD-ի գործադիր տնօրեն Լիզա Սուի, DeepMind-ի (Google-ին պատկանող) գործադիր տնօրեն Դեմիս Հասաբիսի, Anthropic-ի գործադիր տնօրեն Դարիո Ամոդեյի և ImageNet-ի հիմնադիր Ֆեյ-Ֆեյ Լիի հետ միասին։
Polymarket առցանց կանխատեսումների հարթակի օգտատերերը կանխատեսել էին, որ Time-ը «Տարվա մարդ» կընտրի ԱՄՆ նախագահ Դոնալդ Թրամփին, Nvidia-ի գործադիր տնօրեն Ջենսեն Հուանգին, OpenAI-ի գործադիր տնօրեն Սեմ Ալթմանին կամ Հռոմի պապ Լևոն XIV-ին։
