Հռոմի պապն աղոթել է Ստամբուլի հայկական եկեղեցում և ողջույններ փոխանցել Կաթողիկոսին

30.11 12:44 | Կատեգորիա Հասարակություն

Հռոմի Պապ Լևոն XIV-ը Թուրքիա իր այցի չորրորդ և վերջին օրը սկսեց աղոթքով Ստամբուլի Հայ առաքելական եկեղեցում, հայտնում է Vatican News-ը։

Իր խոսքում Պապը ողջունել է Ամենայն Հայոց Կաթողիկոս Գարեգին Երկրորդին, ինչպես նաև Թուրքիայում գտնվող ամբողջ Հայ Առաքելական համայնքին։

Նա գոհություն է հայտնել Աստծուն «հայ ժողովրդի քաջարի քրիստոնեական վկայության համար պատմության ամբողջ ընթացքում, հաճախ՝ ողբերգական պայմաններում»։

Լևոն XIV-ը հիշեցրել է, որ Հռոմի պապի և Արևելյան ուղղափառ եկեղեցու պատրիարքի միջև առաջին համատեղ հռչակագիրը ստորագրվել է 1970 թվականի մայիսին՝ Պողոս VI պապի և Վազգեն I կաթողիկոսի միջև։ «Այդ ժամանակից ի վեր, Աստծո շնորհով, մեր Եկեղեցիների միջև «գթասրտության երկխոսությունը» ծաղկում է ապրել», - ասել է նա։

Հռոմի պապը հայտարարել է, որ Թուրքիա իր այցը նվիրված է Նիկիական հանգանակին, քանի որ Եկեղեցին նշում է Նիկիայի տիեզերաժողովի 1700-ամյակը, և հիշեցրեց Եկեղեցու գոյության առաջին դարերում Արևելքի և Արևմուտքի միջև տիրող միասնության մասին։

«Մենք պետք է ոգեշնչվենք վաղ եկեղեցու փորձից՝ լիակատար հաղորդությունը վերականգնելու համար, որը չի ենթադրում կլանում կամ տիրապետություն, այլ մեր եկեղեցիների կողմից Սուրբ Հոգուց ստացված պարգևների փոխանակում՝ Հայր Աստծո փառքի և Քրիստոսի մարմնի կառուցման համար», - ասել է Հռոմի պապ Լևոն XIV-ը։

Նա հույս է հայտնել, որ Կաթոլիկ և Արևելյան ուղղափառ եկեղեցիների միջև աստվածաբանական երկխոսության միացյալ միջազգային հանձնաժողովը շուտով կկարողանա վերսկսել լիակատար հաղորդության հասնելուն ուղղված աշխատանքը։ Հռոմի պապը հիշատակել է 12-րդ դարի հայ կաթողիկոս սուրբ Ներսես Դ Շնորհալուն և «եկեղեցիների հաշտեցման, բոլորի միասնության մասին Քրիստոսի աղոթքն իրականացնելու» ուղղությամբ նրա անխոնջ աշխատանքը։

«Թող սուրբ Ներսեսի օրինակը ոգեշնչի մեզ, իսկ նրա աղոթքը զորացնի դեպի լիակատար միասնություն տանող ճանապարհին»,- ընդգծել է նա։

Եզրափակելով՝ Լևոն XIV-ը շնորհակալություն է հայտնել Կոստանդնուպոլսի պատրիարք Սահակ Բ-ին՝ Հայ առաքելական եկեղեցու պատրիարքական տաճարում ջերմ ընդունելության համար։

«Եկեք բաց սրտերով ընդունենք ի վերուստ տրված այդ պարգևը, որպեսզի լինենք Ավետարանական ճշմարտության էլ ավելի համոզիչ վկաներ և Քրիստոսի միասնական Եկեղեցու առաքելության լավագույն սպասավորներ»,- ասել է նա։

Ամենաշատ կարդացվածներ

Հայ կարատեիստներն Ասիայի առաջնությունում մեդալներ են նվաճել

27.11 23:00 | Կատեգորիա Սպորտ

Կենդանակերպի այս նշանները կթողնեն իրենց դժվարությունները. ու՞մ են սպասվում նոր հնարավորություններ

28.11 00:32 | Կատեգորիա Ժամանց

Կցրտի՞․ Ի՞նչ եղանակ սպասել ձմռան առաջին օրը

27.11 22:49 | Կատեգորիա Մամուլ

Անփութությո՞ւն, թե՞ դիվերսիա. Ինգա Զարաֆյանը՝ հրդեհների մասին (տեսանյութ)

27.11 19:59 | Կատեգորիա Հասարակություն

Կխթանվի գինու, առողջարանային, արկածային, մշակութային, կրթական և էկոզբոսաշրջությունը Արարատի, Վայոց ձորի, Շիրակի, Տավուշի և Սյունիքի մարզերում

27.11 19:04 | Կատեգորիա Հասարակություն

Փաստերով ապացուցել եմ՝ սա Ալիևի պահանջն է, Փաշինյանը պետք է հեռացնի Կաթողիկոսին, վերջնաժամկետ կա․ Հայրապետյան

28.11 17:17 | Կատեգորիա Հասարակություն

Գերմանիայի կանցլեր Ֆրիդրիխ Մերցը մերժել է ԱՄՆ-ի կոչը՝ «սա մեր գործն է» արտահայտությամբ (տեսանյութ)

28.11 18:15 | Կատեգորիա Համաշխարհային

Դեռահասները դաժան ծեծի և նվաստացման են ենթարկել ուսանողի. 5 անչափահաս ձերբակալվել է

28.11 16:20 | Կատեգորիա Հասարակություն

Պուտինը հույս ունի, որ հատուկ ռազմական գործողությունն արագ կավարտվի

28.11 01:02 | Կատեգորիա Համաշխարհային

ՈՒՂԻՂ