ԱՄՆ նախագահի հատուկ բանագնաց Սթիվ Ուիտկոֆը կարող է այցելել Ռուսաստան, եթե Ժնևում ուկրաինական պատվիրակության հետ բանակցությունները հաջողությամբ պսակվեն։ Այս մասին հայտնել է Washington Post-ի սյունակագիր Դեյվիդ Իգնատիուսը։
Նրա խոսքով, եթե Ուիտկոֆը և ԱՄՆ պետքարտուղար Մարկո Ռուբիոն կարողանան համաձայնության գալ ուկրաինական պատվիրակության հետ «բանակցությունների հայեցակարգային շրջանակի» շուրջ, Ուիտկոֆը կարող է նրա հետ (ծրագրով) մեկնել Ռուսաստանի նախագահ Վլադիմիր Պուտինի մոտ, բայց գուցե ոչ անմիջապես»։
Լրագրողը զրուցել է բանակցություններին ծանոթ ամերիկացի պաշտոնյաների հետ։ Նրա խոսքով՝ նրանք ցանկանում են համոզել Եվրոպային և Կիևին, որ նախագահ Դոնալդ Թրամփի վարչակազմի կողմից առաջարկված ուկրաինական հակամարտության լուծման ծրագիրը «այնքան էլ ռուսամետ չէ, որքան թվում է»։ Եթե Կիևը համաձայնի առաջարկվող ծրագրին, «պատասխանատվությունը կանցնի Ռուսաստանի վրա»։ «Եթե այն (Ռուսաստանը) մերժի այն, պատերազմը, հավանաբար, կշարունակվի հաջորդ տարի և դրանից հետո», – գրում է սյունակագիրը։
