Թուրքիան կշարունակի իր ակտիվ ջանքերը և միջնորդական դերը Ուկրաինայում խաղաղության հասնելու գործում՝ բանակցությունների միջոցով, հայտարարել է Թուրքիայի արտաքին գործերի նախարար Հաքան Ֆիդանը։
«Ուկրաինայի և Ռուսաստանի միջև հակամարտության մեջ, մեր հավասարակշռված քաղաքականության շնորհիվ, որը առաջնահերթություն է տալիս դիվանագիտությանը, երկխոսությանը և մարդասիրական զգայունությանը, մենք դարձանք միակ երկիրը, որը կարողացավ կողմերին նստեցնել բանակցությունների սեղանի շուրջ», - ասել է Ֆիդանը, ինչպես մեջբերում է «Թուրքիե» թերթը։
Նրա խոսքով՝ Թուրքիայի նախագահի և Վլադիմիր Զելենսկու վերջին հանդիպման ժամանակ նրանք համապարփակ գնահատել են «տեղում տեղի ունեցող զարգացումները և հրադադարի հասնելու տարբերակները»։
«Մենք կշարունակենք մեր ակտիվ ջանքերը՝ կողմերի հետ սերտ երկխոսության մեջ և մեր միջնորդական դերը՝ բանակցությունների միջոցով կայուն և արդար խաղաղության հասնելու գործում»,-ասել է արտգործնախարարը։
