Մեծ Բրիտանիայի վարչապետ Քիր Սթարմերը հայտարարել է, որ Ուկրաինայի «ընկերներն ու գործընկերները» կհանդիպեն Հարավային Աֆրիկայում կայանալիք «Քսանյակի խմբի» (G20) գագաթնաժողովի շրջանակներում՝ քննարկելու Թրամփի վարչակազմի կողմից հակամարտության կարգավորման ծրագիրը։
Նրա խոսքով, ինչպես մեջբերում է Reuters-ը, կողմերը մտադիր են ուսումնասիրել «պլանը ամրապնդելու» ուղիները՝ «լիակատար հրադադար ապահովելու» համար։
Սթարմերը հավելել է, որ «կշարունակի սերտորեն համակարգել իր ջանքերը Վաշինգտոնի և Կիևի հետ»։
G20-ի գագաթնաժողովը տեղի կունենա նոյեմբերի 22-23-ը Յոհաննեսբուրգում։
