Հոկտեմբերի սկզբից ի վեր Գազայի հատվածում զոհվել է առնվազն 67 երեխա, իսկ տասնյակները վիրավորվել են, հայտարարել է ՅՈՒՆԻՍԵՖ-ի խոսնակ Ռիկարդո Պիրեսը։
«Մենք հաղորդագրություններ ստացանք, որ ընդամենը երեկ Գազա քաղաքում յոթ երեխա է սպանվել։ Հոկտեմբերի 11-ից ի վեր Գազայի հատվածում սպանվել է առնվազն 67 երեխա, տասնյակները վիրավորվել են։ Սա նշանակում է, որ հրադադարից ի վեր ամեն օր երկու երեխա է սպանվում», - ասել է նա Ժնևում կայացած ճեպազրույցի ժամանակ։
Նա նշել է, որ մոտեցող ցուրտ եղանակը նաև առողջական վտանգ է ներկայացնում երեխաների համար, որոնցից շատերը շարունակում են ապրել վրաններում և այլ ժամանակավոր կացարաններում, իսկ ընտանիքները նույնիսկ վերմակներ չունեն։
Պիրեսը հայտնել է, որ սա հանգեցնում է շնչառական վարակների աճի։
