Բանգլադեշի մայրաքաղաք Դաքքայի մոտակայքում տեղի ունեցած երկրաշարժի հետևանքով զոհվել է առնվազն երեք մարդ, մի քանիսը վիրավորվել են, հայտնում է տեղական ոստիկանությունը։
ԱՄՆ երկրաբանական ծառայության (USGS) տվյալներով՝ Բանգլադեշի Նարսինգդի քաղաքից 14 կիլոմետր արևմուտք-հարավ-արևմուտք տեղի է ունեցել 5.5 մագնիտուդով երկրաշարժ՝ 10 կիլոմետր խորության վրա, տեղական ժամանակով ժամը 10:38-ի սահմաններում (Մոսկվայի ժամանակով ժամը 7:38-ին): Մայրաքաղաքի շատ բնակիչներ խուճապահար դուրս են վազել փողոցներ:
«Երկրաշարժի ժամանակ հինգհարկանի շենքի ճաղաշարը փլուզվել և ընկել է», - ասել է Դաքքայի Բանգշալ շրջանի ոստիկանական բաժանմունքի պետ Ռաֆիկուլ Իսլամը։
Նա նշել է, որ միջադեպի հետևանքով մահացել է երեք մարդ՝ երկու հետիոտն մահացել են տեղում, իսկ երրորդը՝ հիվանդանոց տեղափոխվելուց հետո։
