ԱՄՆ-ը օգոստոսին հաջողությամբ փորձարկել է B61-12 մարտավարական ջերմամիջուկային ռումբ՝ առանց մարտագլխիկի, ասվում է ԱՄՆ Էներգետիկայի նախարարության Սանդիայի ազգային լաբորատորիայի հայտարարության մեջ։
Նշվում է, որ փորձարկումները անցկացվել են Նևադա նահանգի փորձարկման վայրում օգոստոսի 19-21-ը։
Փորձարկումների ընթացքում ամերիկյան հինգերորդ սերնդի F-35 կործանիչները իներտ մարտագլխիկներով հասցրել և գցել են վերոնշյալ զենքերը։ Փորձարկումները անցկացվել են Ազգային միջուկային անվտանգության վարչության (NNSA) հետ համակարգված և «նշանավորել են զենքի արդյունավետության գնահատման կարևորագույն փուլ»։
