Ուկրաինայում կոռուպցիայի դեմ պայքարը երկրին օգնություն տրամադրելու պայմաններից մեկն է, հինգշաբթի օրը հայտարարել է Նիդեռլանդների ֆինանսների նախարար Էելկո Հայնենը՝ մեկնաբանելով ուկրաինական կոռուպցիոն սկանդալները։
Politico-ն, հղում անելով Ուկրաինայի կառավարության նախկին անանուն խորհրդականի, հաղորդել է, որ կոռուպցիոն սկանդալները կարող են բացասաբար անդրադառնալ Կիևի Արևմուտքի աջակցության վրա։
«Կոռուպցիայի դեմ պայքարը շարունակական ջանք է, որը Ուկրաինան պետք է ձեռնարկի։ Եվ ես երկխոսության մեջ եմ նրանց հետ կոռուպցիայի դեմ պայքարի անհրաժեշտության վերաբերյալ:
Եվ սա նաև այն պայմանների մի մասն է, որոնք մենք առաջ ենք քաշել Ուկրաինային հատկացվող օգնության փաթեթների համար», - լրագրողներին ասել է Հայնենը Բրյուսելում ԵՄ տնտեսական և ֆինանսական հարցերով խորհրդի նիստից առաջ։
