Ղազախստանի և Ռուսաստանի նախագահներ Կասիմ-Ժոմարտ Տոկաևը և Վլադիմիր Պուտինը ոչ պաշտոնական հանդիպում կանցկացնեն Կրեմլում, այս մասին հայտնել է Ղազախստանի նախագահի մամուլի քարտուղար Ռուսլան Ժելդիբայը։
«Կրեմլում կկայանա ոչ պաշտոնական դեմ առ դեմ հանդիպում, իսկ Ռուսաստանի Դաշնության նախագահը պաշտոնական ընթրիք կկազմակերպի Կասիմ-Ժոմարտ Տոկաևի այցի պատվին»,- ասվում է հայտարարության մեջ։
Ժելդիբայը հավելել է, որ չորեքշաբթի օրը Տոկաևը բանակցություններ կվարի Պուտինի հետ՝ ինչպես նեղ, այնպես էլ ընդլայնված կազմով, ինչպես նաև ելույթ կունենա Ղազախստան-Ռուսաստան միջտարածաշրջանային համագործակցության ֆորումում։
