Սիրիայի անցումային նախագահ Ահմեդ ալ-Շարաան այս պահին բացառել է Իսրայելի հետ հարաբերությունները կարգավորելու ցանկացած ուղղակի բանակցություն։«Ես կարծում եմ, որ Սիրիայում իրավիճակը տարբերվում է Աբրահամի համաձայնագրերը ստորագրած երկրների իրավիճակից։
Սիրիան սահմանակից է Իսրայելին, իսկ Իսրայելը 1967 թվականից ի վեր օկուպացրել է Գոլանի բարձունքները։ Մենք հիմա չենք պատրաստվում ուղիղ բանակցություններ սկսել», – ասել է ալ-Շարաան Fox News-ին տված հարցազրույցում։
Միաժամանակ, Սիրիայի առաջնորդը ենթադրել է, որ գուցե ԱՄՆ նախագահ Դոնալդ Թրամփի վարչակազմը կարող է օգնել «այս տեսակի բանակցությունների» իրականացմանը։
