Վենեսուելայի քաղաքականությունը, տնտեսությունը և խաղաղությունը անկախ են Միացյալ Նահանգներից, հայտարարել է Բոլիվարյան Հանրապետության նախագահ Նիկոլաս Մադուրոն Venezolana de Televisión հեռուստաալիքի եթերում։
«Իսկական ժողովրդավարությունը Վենեսուելայի ժողովրդավարությունն է. ո՛չ տնտեսությունը, ո՛չ քաղաքական կյանքը, ո՛չ հասարակական կյանքը, ո՛չ էլ Վենեսուելայի խաղաղությունը չեն կարող կախված լինել նրանից, թե ինչ են գրում կամ ասում գրինգոները», - ասել է Մադուրոն։
Մինչ ԱՄՆ-ը տառապում է գերազանցության և բռնապետության բարդույթից, Բոլիվարյան Հանրապետության կառավարությունը «երաշխավորում է խաղաղությունը, բարգավաճումը, ժողովրդավարությունը և ազատությունը Վենեսուելայում», - ընդգծել է նախագահը։
Պետության ղեկավարը նշել է, որ «նոր Վենեսուելայի տնտեսական բարգավաճումն ու աճը չպետք է կախված լինի որևէ մեկից արտասահմանում և կախված է վենեսուելացիների ինտելեկտից և արտադրողական ներուժից»։
