ԱՄՆ նախագահ Դոնալդ Թրամփի՝ միջուկային զենքի փորձարկումներ անցկացնելու որոշումը թուլացնում է միջազգային անվտանգությունն ու խաղաղությունը և ցույց է տալիս լարվածության աճը, հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին LCI հեռուստատեսության եթերում։«Կարծում եմ՝ սա համաշխարհային համակարգի թուլացում է, հնարավոր է՝ նաև չտարածման համակարգի։
Սա գոյություն ունեցող խորը ճգնաժամի դրսևորում է», - ասել է Գրոսսին։ Նա նման փորձարկումները որակել է որպես «մկանների ցուցադրում» և սեփական կարողությունները ցուցադրելու ցանկություն։Ատոմային էներգիայի միջազգային գործակալության ղեկավարը նաև կասկածի տակ է դրել Թրամփի այն պնդումների իսկությունը, որ Ռուսաստանը և Չինաստանը, իբրև, «գաղտնի» միջուկային փորձարկումներ են անցկացնում։
