Չորս հայ շախմատիստներ հանդես կգան Հնդկաստանի Գոա քաղաքում ընթացող ՖԻԴԵ-ի աշխարհի գավաթի խաղարկության երկրորդ փուլում:
Գրոսմայստեր Ռոբերտ Հովհաննիսյանը թայ-բրեյքում 2,5: 1,5 հաշվով հաղթել է մալայզիացի Մոհան Հավինին և միացել նոյեմբերի 2-ին առաջին փուլը հաջողությամբ հաղթահարած Գաբրիել Սարգսյանին ու Հայկ Մարտիրոսյանին:
Գրոսմայստեր Կարեն Գրիգորյանը թայ-բրեյքում 3,5:4,5 հաշվով պարտվել է եգիպտացի Ահմեդ Ադլիին:
Հայաստանը ներկայացնող ևս մեկ շախմատիստ՝ Շանթ Սարգսյանը, մրցապայքարի մեջ կմտնի երկրորդ փուլից:
Ըստ կանոնակարգի` վարկանիշային աղյուսակի առաջին 50 հորիզոնականները զբաղեցնող շախմատիստները պայքարը կսկսեն երկրորդ փուլից: Սարգսյանի մեկնարկային համարը 33-րդն է։
Նշենք, որ ՖԻԴԵ-ի աշխարհի գավաթը մեկնարկել է նոյեմբերի 1-ին և կավարտվի 26-ին:
