Թուրքիայի նախագահ Ռեջեփ Թայիփ Էրդողանին տեղափոխող ինքնաթիռը երկրորդ փորձով վայրէջք է կատարել Շարմ էլ Շեյխի օդանավակայանում, որտեղ երկուշաբթի օրը տեղի է ունենալու Գազայի հատվածում հրադադարի համաձայնագրի կնքմանը նվիրված «խաղաղության գագաթնաժողովը», հաղորդում է «Անադոլու» գործակալությունը։
Էրդողանի ինքնաթիռը անցել է օդանավակայանի թռիչքուղուց և, Կարմիր ծովի վրայով որոշ ժամանակ թռչելուց հետո, վայրէջք է կատարել։ Այլ մանրամասներ չեն տրամադրվել։
Գագաթնաժողովի վայրում Էրդողանին դիմավորել է Եգիպտոսի նախագահ Աբդել Ֆաթթահ աս-Սիսին։
Էրդողանը կմասնակցի գագաթնաժողովին և դրա շրջանակներում հանդիպումներ կունենա մի շարք երկրների ղեկավարների հետ։
