Չինաստանը սպառնալիք է ներկայացնում Մեծ Բրիտանիայի ազգային անվտանգության համար, սակայն Լոնդոնը կհամագործակցի Պեկինի հետ փոխադարձ հետաքրքրություն ներկայացնող ոլորտներում, հայտարարել է Մեծ Բրիտանիայի արտաքին գործերի նախարար Համիշ Ֆալկոները Times Radio-ին տված հարցազրույցում։
«Կան ոլորտներ, որտեղ մենք կմրցակցենք Չինաստանի հետ։ Նրանք սպառնալիք են ներկայացնում Մեծ Բրիտանիայի ազգային անվտանգության համար, այդ թվում՝ կիբերանվտանգության, միջազգային ճնշումների և Ռուսաստանի հետ հարաբերությունների հարցում։ Այնուամենայնիվ, կան նաև ոլորտներ, որտեղ մենք պետք է համագործակցենք», - ասել է նա։
Չինացի ենթադրյալ լրտեսների նկատմամբ քրեական հետապնդում չձեռնարկելու ֆոնին վեճեր են առաջացել այն մասին, թե ինչպես են բրիտանական իշխանությունները սահմանում Չինաստանը։ Սեպտեմբերի 15-ին հայտարարվեց, որ Թագավորական դատախազությունը հանել է երկու բրիտանացիների դեմ «Պաշտոնական գաղտնիքների մասին» օրենքը խախտելու մեղադրանքը՝ հօգուտ Չինաստանի։ Գործը հարուցվել է 2024 թվականի ապրիլին։
