ԱՄՆ նախագահ Դոնալդ Թրամփը կարծում է, որ Իսրայելի և Գազայի հատվածում պաղեստինյան ՀԱՄԱՍ շարժման միջև կնքված զինադադարը երկարատև կլինի, քանի որ երկու կողմերն էլ հոգնել են հակամարտությունից։
«Կարծում եմ՝ բոլորը հոգնել են պատերազմից», - լրագրողներին ասել է Թրամփը։
Ավելի վաղ Թրամփը հայտարարել էր, որ Իսրայելը և պաղեստինյան ՀԱՄԱՍ շարժումը համաձայնության են եկել Գազայի հատվածի համար խաղաղության ծրագրի առաջին փուլը կյանքի կոչելու վերաբերյալ։
Առաջին փուլում ՀԱՄԱՍ-ը կազատի իսրայելցի պատանդներին, իսկ Իսրայելը կհեռացնի իր ուժերը դեպի կիսաէքսկլավի ներսում համաձայնեցված գիծ և կազատի հարյուրավոր պաղեստինցիների իսրայելական բանտերից, այդ թվում՝ շատերին, որոնք ցմահ ազատազրկման են դատապարտվել ահաբեկչության համար։
Իսրայելի վարչապետ Բենիամին Նեթանյահուի գրասենյակը հայտարարել է, որ երկրի կառավարությունը հաստատել է պաղեստինյան ՀԱՄԱՍ շարժման հետ կնքված համաձայնագիրը՝ Գազայի հատվածից պատանդներին ազատ արձակելու վերաբերյալ։
