Պաղեստինյան ՀԱՄԱՍ շարժումը հայտարարել է, որ զոհված իսրայելցի պատանդների մարմինները գտնելու համար կպահանջվի առնվազն տասը օր, հաղորդում է Wall Street Journal-ը՝ հղում անելով աղբյուրներին։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելի և Համասի միջև համաձայնություն է ձեռք բերվել իրավիճակի կարգավորման ծրագրի առաջին փուլի իրականացման վերաբերյալ. պաղեստինյան շարժումը կազատի պատանդներին, իսկ Իսրայելը կհետ քաշի իր զորքերը։
«Համասը հայտարարում է, որ զոհված պատանդների մարմինները գտնելու համար կպահանջվի առնվազն տասը օր», - ասվում է հայտարարության մեջ։
Թերթի տվյալներով՝ իսրայելցի պաշտոնյաները կարծում են, որ Համասը «դժվարությամբ կհայտնաբերի» մնացած բոլոր պատանդների մարմինները, և որ դա ավելի երկար ժամանակ կպահանջի։
Երկուշաբթի օրվանից Եգիպտոսում անուղղակի բանակցություններ են ընթանում Համասի և Իսրայելի պատվիրակությունների միջև՝ Եգիպտոսի, Կատարի և Թուրքիայի միջնորդների մասնակցությամբ, ԱՄՆ նախագահ Դոնալդ Թրամփի կողմից առաջարկված
Գազայի հատվածում երկամյա պատերազմը դադարեցնելու խաղաղության ծրագրի շուրջ։
