Պաղեստինյան ՀԱՄԱՍ շարժումը միջնորդներից, այդ թվում՝ ԱՄՆ-ից, երաշխիքներ է ստացել, որ Իսրայելը չի վերսկսի ռազմական գործողությունները Գազայի հատվածում՝ պատերազմի ավարտը հայտարարելուց հետո: Այս մասին «Ալ Արաբի» հեռուստաընկերությանը տված հարցազրույցում հայտարարել է ՀԱՄԱՍ-ի քաղաքական բյուրոյի անդամ Ուսամա Համդանը:
«Հենց սկզբից միջնորդները մեզ վստահեցրին, որ ձգտում են ոչ միայն փոխըմբռնման, այլև երաշխավորել կողմերի հավատարմությունը ձեռք բերված պայմանավորվածություններին։ Այս անգամ մենք հստակ լսեցինք միջնորդներից, ինչպես նաև ԱՄՆ վարչակազմից, որ նրանք երաշխավորում են Իսրայելի կողմից իր պարտավորությունների կատարումը», - ասել է նա։
