Հնդկաստանի վարչապետ Նարենդրա Մոդին իր բրիտանացի գործընկեր Քիր Սթարմերին վերահաստատել է իր երկրի դիրքորոշումը Ուկրաինայի հարցում՝ նշելով, որ Նյու Դելին աջակցում է հակամարտությունը դիվանագիտական և երկխոսության միջոցով լուծելու բոլոր ջանքերին։
«Այսօրվա հանդիպման ժամանակ մենք մտքեր փոխանակեցինք Հնդկա-խաղաղօվկիանոսյան տարածաշրջանի, Արևմտյան Ասիայում խաղաղության և կայունության, ինչպես նաև Ուկրաինայում շարունակվող հակամարտության վերաբերյալ։
Ուկրաինայում և Գազայի հատվածում հակամարտության վերաբերյալ Հնդկաստանը աջակցում է երկխոսության և դիվանագիտության միջոցով խաղաղությունը վերականգնելու բոլոր ջանքերին», - ասել է Մոդին Մեծ Բրիտանիայի վարչապետի հետ բանակցություններից հետո մամուլի ասուլիսում։
Սթարմերը որպես վարչապետ իր առաջին այցն է կատարում Հարավային Ասիայի հանրապետություն։ Նրան ուղեկցում է ավելի քան 120 հոգանոց պատվիրակություն։
