Իսրայելը Գազայից մասնակի դուրսբերման առաջին փուլը կիրականացնի պաղեստինյան ՀԱՄԱՍ-ի շարժման հետ խաղաղության ծրագրի առաջին փուլի վերաբերյալ համաձայնագրի ստորագրումից հետո 24 ժամվա ընթացքում, հաղորդում է Reuters-ը՝ հղում անելով իր աղբյուրին։
«Առաջին 24 ժամվա ընթացքում իսրայելական զինվորականները կավարտեն ուժերի մասնակի դուրսբերման առաջին փուլը », - ասվում է հայտարարության մեջ։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելը և Համասը համաձայնության են եկել Գազայի հատվածի համար խաղաղության ծրագրի առաջին փուլի իրականացման վերաբերյալ։
Առաջին փուլում Համասը կազատի իսրայելցի պատանդներին, իսկ Իսրայելը կհեռացնի իր ուժերը դեպի անկլավի ներսում համաձայնեցված գիծ և կազատի հարյուրավոր պաղեստինցիների իսրայելական բանտերից, այդ թվում՝ շատերին, որոնք ցմահ ազատազրկման են դատապարտվել ահաբեկչության համար։
Իսրայելի վարչապետ Բենիամին Նեթանյահուն հայտարարել է, որ հինգշաբթի օրը կգումարի կառավարության նիստ՝ համաձայնագիրը հաստատելու համար։
