Իսրայելի ֆինանսների նախարար Բեզալել Սմոտրիչը հայտարարել է, որ չի աջակցի Գազայի վերաբերյալ համաձայնագրին՝ նշելով, որ անհրաժեշտ է ոչնչացնել պաղեստինյան ՀԱՄԱՍ-ի շարժումը և հասնել Գազայի ապառազմականացմանը՝ պատանդների ազատ արձակումից հետո։
«Առևանգվածների տուն վերադարձից հետո Իսրայելի պետությունը պետք է շարունակի իր ողջ ուժով պայքարել ՀԱՄԱՍ-ի իրական ոչնչացման և Գազայի իրական ապառազմականացման համար, որպեսզի այն այլևս սպառնալիք չներկայացնի Իսրայելի համար», - X սոցիալական ցանցում գրել է ծայրահեղ աջ քաղաքական գործիչ։
Սմոտրիչը նշել է, որ համաձայնագրով նախատեսված՝ ահաբեկչության համար դատապարտված հարյուրավոր պաղեստինցիների ազատ արձակումը իսրայելական բանտերից «անչափելի վախ» է առաջացնում։
«Նրանք ամեն ինչ կանեն, որպեսզի այստեղ շարունակեն հրեական արյան գետեր թափել։ Միայն այս պատճառով մենք չենք կարողանա քվեարկել գործարքի օգտին», - ասել է Սմոտրիչը։
