Թուրքիան ողջունում է Իսրայելի և պաղեստինյան արմատական ՀԱՄԱՍ շարժման ներկայացուցիչների կողմից հրադադարի համաձայնագրերի ստորագրումը և ակնկալում է, որ դրանք լիովին կիրականացվեն, ասվում է Թուրքիայի արտաքին գործերի նախարարության հայտարարության մեջ։
«Մենք ողջունում ենք Գազայում հրադադարի հաստատումը և հույս ունենք, որ այն կվերջացնի վերջին երկու տարիների ընթացքում տարածաշրջանում շարունակվող ցեղասպանությունը։ Մենք ակնկալում ենք, որ հրադադարի համաձայնագիրը լիովին կիրականացվի», - ասվում է հայտարարության մեջ։
Անկարան նաև հայտարարել է, որ հրադադարի ռեժիմի հաստատման պայմաններում կարևոր է ապահովել մարդասիրական օգնության մատակարարումը Գազա և անհապաղ սկսել վերակառուցման աշխատանքները տարածաշրջանում։ «Թուրքիան կշարունակի զգալի մարդասիրական օգնություն տրամադրել Գազային», - ընդգծվում է փաստաթղթում։
