ԱՄՆ նախագահ Դոնալդ Թրամփը կարծում է, որ Իսրայելը և պաղեստինյան արմատական ՀԱՄԱՍ շարժումը, որոնք միջնորդների միջոցով բանակցություններ են վարում, հնարավորինս մոտ են ամերիկացի առաջնորդի խաղաղության ծրագրի հիման վրա համաձայնագրի կնքմանը։
«Կարծում եմ՝ մենք շատ, շատ մոտ ենք համաձայնագրի կնքմանը։ Յուրաքանչյուր արաբական երկիր, յուրաքանչյուր մուսուլմանական երկիր աջակցում է դրան։ Ամբողջ աշխարհը կարիք ունի այս համաձայնագրի, այս հատուկ համաձայնագրի, և այն խաղաղություն կբերի Մերձավոր Արևելքին, ոչ միայն Գազային։ Կարծում եմ՝ հիմա մեծ բարի կամք կա, և դա անհավանական է», - ասել է Թրամփը Newsmax-ին տված հարցազրույցում։
Երկուշաբթի օրը Եգիպտոսի Շարմ էլ Շեյխ քաղաքում մեկնարկեց Գազայի հատվածում հրադադարի շուրջ բանակցությունների նոր փուլի առաջին օրը: Ըստ «Ալ-Քահիրա ալ-Իխբարիա» հեռուստաընկերության՝ խորհրդակցությունները տեղի են ունեցել «դրական մթնոլորտում» և, ինչպես սպասվում է, կշարունակվեն երեքշաբթի օրը:
