Իսրայելի ռազմաօդային ուժերի կործանիչները առնվազն երեք հարված են հասցրել Լիբանանի արևելքում գտնվող «Հեզբոլլահ» շարժման ենթադրյալ ռազմական թիրախներին: Ըստ «Ալ Մայադին» հեռուստաալիքի՝ հրթիռային հարվածները թիրախավորել են շիա մարտիկների վարժական ճամբարները և սիրիա-լիբանանյան սահմանի երկայնքով լեռնային տեղանքում գտնվող ստորգետնյա ապաստարանները:
Ականատեսները հայտնել են, որ Բաալբեկում, Նաբի Շիթում, Խարաբթայում, Հերմելում և դրանց հարակից տարածքներում լսվել են ուժեղ պայթյուններ, իսկ երկինք է բարձրացել խիտ ծուխ։ Ավիահարվածի հետևանքով զոհերի կամ վիրավորների մասին տեղեկություններ չկան։
Հեռուստաալիքի տվյալներով՝ իսրայելական ինքնաթիռները մնում են Լիբանանի օդային տարածքում և ցածր բարձրության վրա թռչում են Բեքաա հովտի և Սիրիայի հետ սահմանային գոտու վրայով։
