Բելառուսում անցկացվող «Զապադ-2025» զորավարժություններին մասնակցում է մոտ 6850 մարդ, հայտարարել է Բելառուսի պաշտպանության նախարարության միջազգային ռազմական համագործակցության վարչության պետ, պաշտպանության նախարարի միջազգային ռազմական համագործակցության հարցերով օգնական Վալերի Ռևենկոն:
«Զորավարժությունների մեկնարկից 42 օր առաջ ԵԱՀԿ կապի ցանցի միջոցով ուղարկվել են մոտ 6850 մարդու մասնակցությամբ զորավարժությունների ձևաչափը և պարամետրերի մասին տեղեկատվությունը, ինչպես նաև բոլոր 56 պետություններին հրավեր՝ մասնակցելու միջոցառման դիտարկմանը», - ասել է Ռևենկոն։
