Պակիստանի հարավ-արևմտյան Բելուջիստան նահանգի մայրաքաղաք Քվետա մետրոպոլիսում ինքնասպան-ահաբեկչի իրականացրած պայթյունի հետևանքով զոհվել է առնվազն 13 մարդ, 31-ը՝ վիրավորվել։
Հարձակումը տեղի է ունեցել Բելուջիստանի ազգային կուսակցության կողմից կազմակերպված բազմամարդ հանրահավաքից հետո տեղի մարզադաշտի մոտ գտնվող ավտոկայանատեղիում, հաղորդում է «Սինհուա»-ն: Ոստիկանությունը հայտնել է, որ հարձակման թիրախը եղել են կուսակցության առաջնորդները:
Հիվանդանոց տեղափոխված պայթյունի զոհերից շատերը գտնվում են ծանր վիճակում, և բժիշկները չեն բացառում ահաբեկչական հարձակման զոհերի թվի աճը։
