Ռուսաստանի նախագահ Վլադիմիր Պուտինը Պեկինում «ոտքի վրա» զրուցել է Թուրքիայի արտգործնախարար Հաքան Ֆիդանի հետ, հաղորդում է «ՌԻԱ Նովոստի»-ի թղթակիցը։
Պուտինի և Ֆիդանի միջև զրույցը տեղի է ունեցել ռազմատենչ Ճապոնիայի նկատմամբ տարած Հաղթանակի 80-ամյակի և Երկրորդ համաշխարհային պատերազմի ավարտի տոնակատարությունների շրջանակներում։
Ռուսաստանի նախագահը Չինաստանում է աշխատում օգոստոսի 31-ից սեպտեմբերի 3-ը։ Պետության ղեկավարը մասնակցել է Շանհայի համագործակցության կազմակերպության գագաթնաժողովին և այնտեղ անցկացրել մի շարք երկկողմ հանդիպումներ։
Այնուհետև Պեկինում տեղի են ունեցել Ռուսաստանի, Չինաստանի և Մոնղոլիայի միջև եռակողմ բանակցություններ, ինչպես նաև երկկողմ բանակցություններ են վարել Պուտինը և Չինաստանի նախագահ Սի Ծինփինը։
Սեպտեմբերի 3-ին Պեկինում տեղի ունեցավ ճապոնական միլիտարիզմի դեմ տարած հաղթանակի 80-ամյակին և Երկրորդ համաշխարհային պատերազմի ավարտին նվիրված լայնածավալ շքերթ։ Արարողությանը ներկա էին Ռուսաստանի Դաշնության նախագահը որպես գլխավոր հյուր, և այլ երկրների ղեկավարներ։
