Իսրայելի պաշտպանության ուժերը (IDF) զորքեր և ռազմական տեխնիկա են կուտակում Գազայի հատվածի հետ սահմանի մոտ՝ անկլավում ռազմական գործողությունների ընդլայնման հնարավոր ծրագրերին նախապատրաստվելու նպատակով, հաղորդում է NBC News-ը՝ հղում անելով իր աղբյուրներին։
ԱՄՆ անանուն պաշտոնյաների խոսքով՝ արբանյակային պատկերները ցույց են տալիս զորքերի տեղաշարժը և կենտրոնացումը պաղեստինյան անկլավի հետ սահմանի մոտ, ինչը վկայում է, որ իսրայելական ուժերը պատրաստվում են խոշոր ցամաքային գործողության։
Հեռուստաալիքի աղբյուրները հայտնել են, որ Իսրայելի ծրագրերը կարող են ներառել պաղեստինյան արմատական շարժման՝ Համասի կողմից պահվող պատանդների ազատ արձակումը և մարդասիրական օգնության հասանելիության ապահովումը մարտերից չտուժած տարածքներ։
Ավելի վաղ Իսրայելի պետական Kan հեռուստաալիքը, հղում անելով Իսրայելի վարչապետ Բենիամին Նեթանյահուի գրասենյակի հայտարարությանը, հաղորդել էր, որ Իսրայելի ռազմաքաղաքական կաբինետը հաստատել է վարչապետի առաջարկած ծրագիրը՝ Ղազա քաղաքի ամբողջ տարածքը վերահսկողության տակ վերցնելու և պաղեստինյան անկլավում գործողությունը ընդլայնելու վերաբերյալ։
