Թուրքիան դատապարտում է Իսրայելի որոշումը՝ ընդլայնել իր ռազմական գործողությունները Գազայում և կոչ է անում ՄԱԿ-ի Անվտանգության խորհրդին բանաձևեր ընդունել, ասվում է Թուրքիայի Արտաքին գործերի նախարարության հայտարարության մեջ։
Իսրայելի վարչապետ Բենիամին Նեթանյահուն հինգշաբթի օրը հայտարարել է, որ Իսրայելը մտադիր է վերահսկողություն հաստատել ամբողջ Գազայի հատվածի նկատմամբ՝ անվտանգության պարագիծ ստեղծելու և հետագայում այդ կիսաեզրը նոր «քաղաքացիական կառավարությանը» հանձնելու համար։
Նեթանյահուն հավելել է, որ միաժամանակ Իսրայելը չի պլանավորում պահպանել վերահսկողությունը Գազայի հատվածի նկատմամբ, գործողության նպատակը «անվտանգության պարագիծ» ստեղծելն է։
«Մենք ամենախիստ կերպով դատապարտում ենք Իսրայելի որոշումը՝ ընդլայնելու իր ռազմական գործողությունը Գազայում, որը ներկայացնում է նրա տարածաշրջանում ծավալապաշտական և ցեղասպանական քաղաքականության նոր փուլ»։
«Նեթանյահուի կառավարության կողմից պաղեստինցիների դեմ ցեղասպանությունը շարունակելու և օկուպացիան ընդլայնելու յուրաքանչյուր քայլ ծանր հարված է հասցնում միջազգային խաղաղությանը և անվտանգությանը՝ մեծացնելով տարածաշրջանային անկայունությունը և խորացնելով մարդասիրական ճգնաժամը», - ասվում է Թուրքիայի արտաքին գործերի նախարարության հայտարարության մեջ։
Թուրքիայի արտաքին գործերի նախարարությունը կարծում է, որ «տարածաշրջանում երկարատև խաղաղության հաստատումը հնարավոր է միայն միջազգային իրավունքի գերակայության, դիվանագիտության գերակայության և մարդու հիմնարար իրավունքների պաշտպանության հիման վրա»։
