Մեծ Բրիտանիայի կառավարությունը լրացուցիչ 132 միլիոն դոլար կծախսի Լա Մանշով անօրինական միգրացիայի դեմ պայքարի համար, հաղորդում է The Guardian թերթը՝ հղում անելով երկրի Ներքին գործերի նախարարությանը։«Նախարարները լրացուցիչ 100 միլիոն ֆունտ ստեռլինգ (մոտ 132 միլիոն դոլար) կծախսեն Լա Մանշի անցումների սահմանափակման միջոցառումների վրա, այդ թվում՝ Ֆրանսիայի հետ կնքված (միգրանտների փոխանակման վերաբերյալ) համաձայնագրի շրջանակներում», – գրում է հրատարակությունը։
Միջոցները կօգտագործվեն Ազգային հանցագործությունների դեմ պայքարի գործակալության լրացուցիչ 300 աշխատակիցների աշխատանքի ֆինանսավորման, ինչպես նաև նոր սարքավորումների և տեխնոլոգիաների ձեռքբերման համար՝ Մեծ Բրիտանիա միգրանտների անօրինական տեղափոխումը կազմակերպող ավազակախմբերի վերաբերյալ տեղեկատվության հավաքագրման հզորացման համար։
Ավելի վաղ բրիտանական իշխանությունները հայտնել էին, որ 2025 թվականի սկզբից ի վեր Լա Մանշի միջոցով Մեծ Բրիտանիայի ափեր է հասել ավելի քան 25,000 անօրինական միգրանտ, ինչը ռեկորդային ցուցանիշ է հուլիսի վերջի դրությամբ։
