Ավտոբուսից երեք ուղևոր է ընկել․ դեպքի առթիվ քրեական վարույթ է նախաձեռնվել (տեսանյութ)

21.10 15:30 | Կատեգորիա Հասարակություն

Հոկտեմբերի 20-ին ՀՀ ՆԳՆ ոստիկանության Արարատի բաժնից հաղորդում է ստացվել այն մասին, որ նույն օրը՝ ժամը 19:20-ի սահմաններում, Արարատի մարզում՝ ՈԿՖ բանավանի կամուրջի վրա, երթևեկության ժամանակ, չպարզված հանգամանքներում, բացվել է «TEMSA BG 124 H» մակնիշի ավտոբուսի հետևի դուռը, ինչի հետևանքով 3 ուղևոր ընկել է ճանապարհին և ստացել մարմնական վնասվածքներ։ Այս մասին հայտնում են ՀՀ ՔԿ–ից։

Հաղորդման առթիվ նույն օրը ՀՀ քննչական կոմիտեի Արարատի մարզային քննչական վարչության Վեդիի քննչական բաժնում, ՀՀ քրեական օրենսգրքի 342-րդ հոդվածի 1-ին մասով, նախաձեռնվել է քրեական վարույթ:

Վարորդի մասնակցությամբ դեպքի վայրում՝ Արարատի մարզի ՈԿՖ բանավանի կամուրջի սկզբնամասում, կատարվել է զննություն, զննության է ենթարկվել նաև ճանապարհի այդ հատվածում՝ դեպի Երևան տանող ուղեմասում, կայանված վերոնշյալ ավտոբուսը։

Դեպքի վայրում արգելակման ու անվադողի հետքեր չեն եղել: Ավտոբուսի զննությամբ վնասվածքներ չեն հայտնաբերվել: Պարզվել է նաև, որ ավտոբուսն ունի 36 ուղևորի համար նախատեսված նստատեղեր, իսկ հետևի դռան մոտ՝ սրահում, առկա է սեղմակ, որը սեղմելուց հետո ավտոբուսի դուռը փակվել և բացվել է:

Զննությունից հետո ավտոբուսը ճանաչվել է իրեղեն ապացույց և հանձնվել ոստիկանության պահպանմանը:

Ստուգվել է վարորդի՝ հնարավոր ալկոհոլ օգտագործած լինելու հանգամանքը, վերջինս գտնվել է սթափ վիճակում:

Պարզվել է, որ հոկտեմբերի 20-ին Երևանի դպրոցներից մեկի 6-րդ դասարանի աշակերտները և նրանց ծնողները, ընդհանուր՝ 33 հոգի, Երևան քաղաքից պատվերով, վերոնշյալ ավտոբուսով մեկնել են Վայոց ձորի մարզ՝ Նորավանք՝ էքսկուրսիայի: Երևան քաղաք վերադառնալիս՝ ժամը 19:20-ի սահմաններում, երբ հասել են ՈԿՖ բանավանի կամուրջի սկզբնամաս, ընթացքի մեջ գտնվող ավտոբուսի հետևի դուռը, այս պահին քննությամբ ստուգման ենթակա, չպարզված հանգամանքներում բացվել է, ինչի հետևանքով երեխաներից մեկն ընկել է ճանապարհի եզրին, մյուս երեխան, ապա նաև մոտ գտնվող ծնողներից մեկը իրար ետևից փորձել են օգնության հասնել, սակայն չկարողանալով՝ նույնպես ընկել են ճանապարհին։

Ստացած մարմնական վնասվածքներով նրանք նախ՝ տեղափոխվել են «Արարատի բժշկական կենտրոն» ՓԲԸ, որտեղից երկու անչափահասները տեղափոխվել են Երևան քաղաքի երկու տարբեր բուժհաստատություններ։ Ըստ բուժհաստատություններից ստացված տվյալների՝ տուժածների վիճակը բավարար է։

Նախաքննությունը շարունակվում է:

Ամենաշատ կարդացվածներ

Պարզվել է, թե ինչից է մահացել փոքրիկ Տիգրանը Մարմարիկում. Նոր մանրամասներ

24.10 18:15 | Կատեգորիա Պատահարներ

Մաhացել է Մարմարիկ գետում մաhաgած հայտնաբերված 2-ամյա Տիգրանի հայրը

25.10 15:05 | Կատեգորիա Հասարակություն

Մոսկվայում անկարգություններից հետո մոտ 40 միգրանտ մեղադրվում է խուլիգանության համար

25.10 18:12 | Կատեգորիա Ռուսաստան

«Քաղցկեղը բույն է դրել գլխի շրջանում». դերասան Խաչատուր Հունանյանն իր առողջական վիճակի մասին (տեսանյութ)

25.10 17:41 | Կատեգորիա Մամուլ

Առաջին կադրերը կրտսեր Արամ Ասատրյանի գերշքեղ հարսանիքից (տեսանյութ)

25.10 18:48 | Կատեգորիա Ժամանց

Հայտնի է 2-ամյա Տիգրանի հոր՝ Նորայր Պետրոսյանի մшհվան պատճառը․ մանրամասներ

25.10 18:19 | Կատեգորիա Հասարակություն

Կարեն Սարուխանյանի զոքանչը մանկապարտեզում գործադուլ է կազմակերպել․ձերբակալությունները կշարունակվեն (տեսանյութ)

25.10 19:00 | Կատեգորիա Քաղաքական

Փափազյան փողոցից հրազենային վնասվածքով հիվանդանոց տեղափոխվածը Հրանտ Մարգարյանի որդին է

25.10 00:52 | Կատեգորիա Պատահարներ

Խոշոր ու ողբերգական ավտովթար՝ Կոտայքի մարզում. կա 1 զոհ, 2 վիրավոր (Լուսանկարներ)

24.10 17:25 | Կատեգորիա Պատահարներ

ՈՒՂԻՂ

Ռուս ինժեները մշակել է Ուկրաինայի զինված ուժերի անօդաչու թռչող սարքերի համար եզակի տեսաորսիչ