Սիրիան Իսրայելի նկատմամբ ագրեսիվ մտադրություններ չունի, Դամասկոսը ձգտում է կայունության։ Այս մասին հայտարարել է Սիրիայի արտաքին գործերի նախարարության ղեկավար Ասաադ ալ-Շեյբանին Ռուսաստանի արտաքին գործերի նախարար Սերգեյ Լավրովի հետ բանակցություններից հետո կայացած մամուլի ասուլիսում։
«Մենք Իսրայելի նկատմամբ ագրեսիվ մտադրություններ չունենք, մենք վերակառուցում ենք երկիրը, մենք հոգնել ենք 10 տարվա պատերազմից, մենք ուզում ենք, որ սիրիացիները վերամիավորվեն։ Մենք շատ փախստականներ ունենք, շատ ներքին տեղահանվածներ, ուստի, մեզ կայունություն է պետք», - ասել է նա։
