Նիդեռլանդների արտաքին գործերի նախարարությունը կանչել է Իսրայելի դեսպանին՝ կապված Գազայի հատվածում մարդասիրական իրավիճակի վատթարացման և անկլավին սննդամթերքի մատակարարման շրջափակման հետ, հայտարարել է արտգործնախարարի պաշտոնակատար Կասպար Վելդկամպը։
«Այսօր ես կանչեցի Իսրայելի դեսպանին և նրան հստակեցրի, թե որքան լուրջ ենք մենք վերաբերվում Գազայի հատվածում տիրող իրավիճակին», – ասել է նա RTL հեռուստաալիքի եթերում։ Վելդկամպը շեշտել է, որ նույնիսկ հրադադարի բացակայության դեպքում Իսրայելը կրում է Գազայի բնակիչներին մարդասիրական հասանելիություն ապահովելու լիակատար պատասխանատվությունը և, հետևաբար, «պարտավոր է վերացնել դրա հետ կապված բոլոր սահմանափակումները»։
Քաղաքական գործիչը նաև ասել է, որ Նիդեռլանդները մտադիր է հասնել ԵՄ-ի և Իսրայելի միջև Ասոցացման համաձայնագրի այն մասի կասեցմանը, որը վերաբերում է առևտրային հարաբերություններին։
