Գերմանիայի իշխանությունները կոչ են արել Իսրայելին փոխել իր քաղաքական կուրսը Մերձավոր Արևելքի հակամարտության հարցում՝ այն անվանելով «լիովին սխալ»։ Այս մասին հայտարարել է Գերմանիայի արտաքին գործերի նախարարության պետական նախարար Ֆլորիան Հանը՝ ելույթ ունենալով Նյու Յորքում պաղեստինա-իսրայելական հակամարտության կարգավորմանը նվիրված ՄԱԿ-ի համաժողովում։ Խանը նշել է, որ Գերմանիան միշտ կպաշտպանի Իսրայելը և նրա ժողովրդին։
Բեռլինը, նրա խոսքով, չի քննարկում Պաղեստինի պետականության ճանաչման հարցը, քանի դեռ չեն ավարտվել երկու պետությունների լուծման շուրջ բանակցությունները։
«Մենք՝ Գերմանիան, հայտարարել ենք, որ նման բանակցությունների արդյունքում կնախընտրեինք ճանաչել Պաղեստինի պետությունը։ Սա մնում է մեր դիրքորոշումը, բայց մենք տեսնում ենք, որ Իսրայելի ներկայիս քաղաքականությունը շարժվում է հակառակ ուղղությամբ», – ասել է պետական նախարարը։
