Քիչ առաջ ՀՀ վարչապետ Նիկոլ Փաշինյանը ռուսերեն գրառում է կատարել՝ անդրադառնալով Գյումրու երգող շատրվաններին, որոնք երեկ ուշ երեկոյան «Доля воровская» էին «երգում»։
Գյումրու երգող շատրվաններին անդրադարձել է Շիրակի մարզպետ Դավիթ Առուշանյանը։«Առաջին հայացքից նույնիսկ հավատալն է բարդ, որ սա կատարվում է մեր քաղաքում: Այն քաղաքում, որը մշակույթի ստեղծման հզոր հարթակ է, որի հանրահռչակման, զբոսաշրջային ներուժը իրապես գործի դնելու համար տարիներ շարունակ աշխատել ենք ու փորձել մաքրել ամեն տեսակ արատավոր երևույթից:
Խիստ դատապարտում եմ այս մոտեցումը, ուզում եմ հիշեցնել, որ Գյումրին այլևս ուրիշ շնչով ու ուրիշ տեսակ քաղաք է: Վերջին տարիներին այն դարձել է տարածաշրջանի ամենագրավիչ կետերից մեկը, և հիմա, դուք անկարող եք այն սարքել ձեր պատկերացումներին ու ձեր մտածելակերպին հարմար, գուցե դա իրապես բարդ է թվում, բայց այլ ելք չունեք:
Կրկնում եմ` այդ ժամանակները հետ բերել դուք անկարող եք:Եվ ուրեմն, վերանայեք պատանեկան արակածախնդրությունը, և ձեր ռեպերտուարը պահեք ձեզ` հարմարվելով քաղաքի նոր դեմքին:
Տղեք, ըսիգ տուն-քաղաք է, ոչ թե` տուն-գաղութ»,-գրել է մարզպետը։
